१२ जुन २००८ बेल्जियम।  नेपाल संघिय लोक्तान्त्रिक गणतन्त्रात्मक राज्य घोषणा भएको खुशीयाली मा बेल्जियम मा नेपाली लोक तान्त्रिक मञ्च बेल्जियम ले यही जुन २९ तारिकमा बनभोज कार्यक्रमको आयोजना गर्दै छ । बेल्जियमको अतिनै रमाइलो बनभोज पार्क वाभर पार्कमा आयोजना हुन गइ रहेकोको उक्त बन भोज कार्यक्रममा बेल्जियम रहेका सम्पूर्ण नेपाली लाई आमन्त्रण गरिएको छ ।
            एन डि एफ बेल्जियम को २५ मेमा बेल्जियमको लुभेन शहरमा बसेको बैठकको निर्णय अनुसार नेपाल संघिय लोक्तान्त्रिक गणतन्त्रात्मक राज्य घोषणा भएकोमा नेपाल सरकार र नेपाली जनता लाई हार्दिक बधाई तथा शुभ कामना ब्यक्त गर्दै बेल्जियममा पनि खुशीयाली मनाउनको लागि उक्त बन भोज कार्यक्रमको आयोजना गर्ने निर्णय गरेको थियो । साथै उक्त बैठकले बनभोज कार्यक्रम लाई सम्पन्न गर्नको लागि पुष्पराज अधिकारीको संयोजकत्वोमा एक ब्यबस्थापना समिती पनि गठन गरेको छ । समितीका अन्य सदस्यहरु मा बोधराज पौडेल लुभेन , अर्जुन दाहाल गेन्ट ,सरस्वती चापागाइ एन्त्वेर्पेन ,किशन के सि एन्त्वेर्पेन , नारायण चित्रकार एन्त्वेर्पेन , पुष्पराज अधिकारी लुभेन , बिष्णु तिवारी लुभेन र शिव कुमार बरुवाल सिन्त्-त्रुइदेन रहेका छन ।