२० जुन २००८ काठमाडौं ।
सहमती जुटाउन  शुक्रबार सांझ प्रधानमन्त्री निवास वालुवाटारमा बसेको सात दलको बैठकमा सहमती नजुटेपछि नेकपा माओवादीका तर्फबाट सरकारमाप्रतिनिधित्व गर्ने माओवादीका पांच जना मन्त्री र दुइ राज्यमन्त्रीलेसहित सात जनाले सात दलको शिर्ष बैठकमा राजीनामा दिएका छन् । नेकपा माओवादीका तर्फबाट सरकारमा प्रतिनिधित्व गर्ने स्थानीय विकास मन्त्री देव गुरुंगका अनुसार प्रधानमन्त्री गिरिजाप्रसाद कोइरालाले राजनीतिक गतिरोध अन्त्यका लागि राजीनामा दिने अपेक्ष भएता पनि सो नभएपछि उनीहले राजीनामा दिएका हुन ।

 राजनीतिक गतिरोध अन्त्य गर्नका लागि हामीहरुले सात दलको बैठकमा राजीनामा दिएका हौं, तर अझैपनि सहमतीका मार्गहरु भने प्रशस्त छन् गुरुंगले भने । राजनीतिक रुपमा अहिले रसात दलको बैठकमा राजीनामा दिएको र त्यसलाइ भोलि विहानै प्रधानमन्त्रीको कार्यलयमा दर्ता गरीने उनको भनाइ थियो ।

सात दलिय कार्यदलले तयार गरेको सहमतीको प्रस्तावमा भने भोलि विहान बस्ने सात दलको बैठकमा छलफल हुनेछ । संविधान संशोधन, शान्ति प्रकृया र शक्ति बांडफांडका विषयमा सहमती भै नसकेको मन्त्री गुरुंगले जानकारी दिएका छन् । भोलि यी सबै विषयमा शिर्ष नेताहरुबीच छलफल हुने उनको भनाइ थियो ।