२७ जुन २००८ नेपाली कांग्रेसका वरिष्ठ नेता शेरबहादुर देउवाले आफ्नो दलका सभासदलाई विपक्षीको भूमिका निभाउन तयार रहन आग्रह गरेका छन् । १३ असारमा सिंहदरबारमा संसदीय दलको बैठकलाई सम्बोधन गर्ने क्रममा उनले संविधान निर्माणका क्रममा विपक्षी दलको सशक्त भूमिका आवश्यक रहेको भन्दै उक्त आग्रह गरेका हुन् ।

शक्तिबांडफांडमा कुरा नमिल्ने देखेपछि विपक्षी दलमा रहने रणनीति बनाएको कांग्रेसका वरिष्ठ नेताको पछिल्लो भनाई आएको हो । देउवाले माओवादीको गतिविधिसंग जुध्न सशक्त रुपमा प्रस्तुत हुनुपर्ने अवस्था समेत औल्याए । यसैगरी कांग्रेस संसदीय संसदीय दलको बैठकले संविधान संशोधनको प्रस्ताव पारित गराउन भूमिका निभाउने निर्णय गरेको छ ।