६ जुन २००८ काठमाडौं
दीपेश केसी, काठमाडौं । पूर्व राजा ज्ञानेन्द्र शाह अर्को हप्तामात्र नागार्जुन दरबार र्सर्ने भएका छन् । नारायणहिटी दरबारका एक उच्च अधिकारीका अनुसार २६ जेठसम्म नागार्जुन र्सर्ने कुनै योजना बनेको छैन । आइतबार पछि मात्र नागार्जुन जाने योजना छ ,' दरबारका ती अधिकारीले भने,'जाने बेलामा सबैलाई खबर गर्ने भनिएको छ ।' नारायणहिटी छाड्नका लागि सम्पूर्ण तयारी भने पूरा भइसकेको बुझिएको छ ।

१५ जेठमा बसेको संविधानसभाको पहिलो बैठकले गणतन्त्र कार्यान्वयनको घोषणा गरेपछि सरकारले १५ दिनभित्र नारायणहिटी छाड्न पूर्व राजालाई पत्र पठाएको थियो । उनले निकटस्थहरुलाई पठाएर प्रधानमन्त्री गिरिजाप्रसाद कोइरालासंग यथोचित सुरक्षा र बस्ने व्यवस्था गरिदिन आग्रह गरेबमोजिम सरकारले ७५ सुरक्षाकर्मीसहित नागार्जुन दरबार उपलब्ध गराउने निर्णय गरेको थियो । नागार्जुनमा ज्ञानेन्द्र शाह आफ्नी श्रीमती कोमल शाहसंगै बस्ने छन् । छोरा पारस र बुहारी हिमानी निर्मल निवासमा बस्नेछन् भने आमा रत्न शाह पनि छुट्टै बस्नेछिन् । सबैलाई सरकारले सुरक्षाको व्यवस्था मिलाइदिएको छ ।